کۆمیته‌ی به‌رگری له‌ ڕۆژنامه‌وانانی کوردستان

ده‌رباره‌ی ئه‌و هه‌واڵه‌ی كه‌ سایتی پی یو كه‌ی میدیا بڵاویكردۆته‌وه گوایه‌ هیچ ڕۆژنامه‌نوسێك له‌بناری قه‌ندیل لێی نه‌دراوه‌ كوردستانیوز ئه‌و هه‌واڵه‌ به‌درۆ ده‌خاته‌وه‌و داوای لێكۆڵینه‌وه‌ده‌كات له‌و ده‌ستدرێژیه‌ی كه‌ئاسایش‌و پۆلیس كردیانه‌ سه‌ر ڕۆژنامه‌نوسان.
دوێنێ 1.2.2008 له‌بازگه‌ی ده‌روه‌ كۆتری نزیك به‌سه‌نگه‌سه‌ر هێزه‌كانی پۆلیسی به‌رگری شارستانی‌و ئاسایش له‌ڕۆژنامه‌نوس سۆران عومه‌ر‌و ڕه‌حمان غه‌ریبیانداو سۆران بۆماوه‌ی 3 كاتژمێر داخڵی نه‌خۆشخانه‌ی قه‌ڵادزه‌ كرا.
له‌مباره‌وه‌ ڕه‌حمان غه‌ریب به‌كوردستانیوزی ڕاگه‌یاند " ئێمه‌ له‌پشتی بازگه‌ی ده‌روه‌ كۆتره‌وه‌ 5 ڕۆژنامه‌نوس بوین ده‌ستبه‌سه‌ر كرابوین، بۆیه‌ من له‌ده‌ستیان هه‌ڵهاتم به‌ره‌و لای هاوڕێكانم كه‌له‌پێشی بازگه‌كه‌وه‌ وه‌ستابوون، به‌ڵام ئاسایش كه‌وتنه‌ سه‌رم‌و زۆر ئازاریان دام‌و له‌ناو ئه‌و قوڕه‌دا به‌بێ پێڵاوو به‌پێی په‌تی كه‌وتنه‌ لێدانم، له‌وكاتا سۆران بۆلای من هاتبوو له‌ویشیاندا، بۆیه‌ ئێمه‌ له‌سه‌ر ئه‌و كاره‌ داوای لێكۆڵینه‌وه‌ ده‌كه‌ین‌و به‌ڵگه‌ی تاوانه‌كه‌شیان به‌دۆكیۆمێنت له‌به‌رده‌ستدایه‌ به‌ڤیدیۆو فۆتۆ."

ڕۆژی 9ی ئەم مانگە و لە کاتێمدا تیمی بەرنامەی (زۆم ئین) کە لە  شاری هەولێر و لە کەناڵی کوردستان تیڤی پێشەکەش دەکرێت، خەریکی تۆمارکردن و ئامادەکردنی بەرنامەکەیان بوون سەبارەت لاپێچی لە یاساکانی هاتووچوون و لە کاتێکدا ئوتومۆبیلێک سەرپێچی دەکات و پۆلیس دەیەوێت لاپێچینەوە لەگەلێدا بکات، دەستەیەک چەکداری  سەر بە (بەرهەمی شیمەی هارۆنی) کە ژمارەیان لە 30کەس تێپەڕدەبوو، هێرشیان کردە سەر تیمی بەرنامەی (زۆم ئین) و پێشەکەشکەری بەرنامە و کامیرەمانێکی ئەو بەرنامەیەیان دا  به‌رشه‌ق  و کامێره‌که‌یان شکاند و کاسێته‌که‌ی ناو کامیراکەیان ده‌رهێنا و شکاندیان. لە ئەنجامی ئەو هێرشەدا دوو په‌نجه‌ی مۆنتوری به‌رنامه‌که‌ و ده‌ستی کامێرامانه‌که‌ش شکێنرا و‌ هه‌ڕه‌شه‌ی کوشتن له‌ ستافه‌که‌ کرا.

CPKJ:به‌یاننامه‌ی کۆمیته‌ی به‌رگری له‌ڕۆژنامه‌وانانی کوردستان
ئێمه‌ له‌ کۆمیته‌ی به‌رگری له‌ ڕۆژنامه‌وانانی کوردستان، هێرشی ئاسایشی هه‌رێمی کوردستان بۆ سه‌ر ڕۆژنامه‌نووسان سه‌لام عه‌بدوڵا، سۆران عومه‌رو ڕه‌حمان غه‌ریب و هه‌موو نووسه‌ران ، به‌توندی ڕیسواده‌که‌ین و داوش ده‌که‌ین که‌ به‌ زو‌ترین کات هه‌موو زیانێکی فیزیکی و گیانیان بۆ بژمێردرێته‌وه و ئه‌و لایه‌نه‌ش که‌ ئه‌و فه‌رمانه‌ی داوه‌ بدرێته‌ دادگا. ئێمه‌ ئه‌م ڕه‌فتاره‌ی ئاسایشی هه‌رێم به‌ کارێکی ناشارستنیانه‌ ده‌زانین و به‌ پێشێلکردنی مافی مرۆڤی له‌ باشووری کوردستان ده‌بینین. بۆیه‌ ده‌نگی خۆمان به‌رزده‌که‌ینه‌وه‌ بۆ هه‌موو لایه‌ک که‌ ئه‌و کاره‌ ڕیسوابکه‌ن تاچیتر مافی نووسین و راده‌ربڕین له‌ کوردستان پێشێل نه‌کرێت.

ئه‌وه‌ی‌ ماوه‌ی‌ حه‌ڤده‌ ساڵه‌ ده‌سته‌ڵاتی‌ كوردی‌ بانگه‌وازی‌ بۆ ده‌كات و شانازی‌ پێوه‌ ده‌كات ئه‌و په‌راوێزه‌ بچووكه‌ی‌ ئازادی ڕاده‌ربڕین و كاری‌ ڕۆژنامه‌گه‌ریه‌، به‌ڵام به‌داخه‌وه‌ ڕۆژ له‌ دوای‌ ڕۆژ ده‌سته‌ڵاتی‌ كوردی‌ له‌ پاشه‌كشه‌دایه‌ و خیانه‌ت له‌و په‌یامه‌ ده‌كات كه‌ زیاتر له‌ 60 ساڵه‌ بانگه‌وازی‌ بۆ ده‌كات و له‌ پێناویدا هه‌زاران هه‌زار ڕۆڵه‌ی‌ ئه‌م ووڵاته‌ بووته‌ قوربانی‌ ئه‌و په‌یامه‌ش ئازادیه‌.

به‌یاننامه‌ی کۆمیته‌ی به‌رگری له‌ڕۆژنامه‌وانانی کوردستان

ئێمه‌له‌کۆمیته‌ی به‌رگری له‌ڕۆژنامه‌وانانی کوردستان، هێرشی ئاسایشی هه‌رێمی کوردستان بۆ سه‌ر ڕۆژنامه‌نووسان سه‌لام عه‌بدوڵا، سۆران عمر و ڕه‌حمان غه‌ریب و هه‌موو نووسه‌ران ، به‌توندی ڕیسواده‌که‌ین و داوش ده‌که‌ین که‌به‌ زو‌ترین کات هه‌موو زیانێکی فیزیکی و گیانیان بۆ بژمێردرێته‌وه و ئه‌و  لایه‌نه‌ش که‌ئه‌و فه‌رمانه‌ی داوه‌بدرێته‌دادگا. 

خه‌ڵکی ئازادییخوازی کوردستان!
رۆژنامه‌نووسانی بوێر و خاوه‌نقه‌ڵه‌مانی خاوه‌ن هه‌ڵوێست! وه‌ک ئاگادارن ماوه‌یه‌که‌ کۆمه‌ڵێک له‌خوشک و برایانی رۆژنامه‌نووس له‌باشووری کوردستان، به‌مه‌به‌ستی شکاندی گه‌مارۆ بێبنه‌ماکه‌ی سه‌ر بناری قه‌ندیل، مه‌فره‌زه‌یه‌کیان به‌ناوی "مه‌فره‌زه‌ی قه‌ڵه‌م" پێکهێنا و بڕیاریان دا به‌ نووکی قه‌ڵه‌مه‌کانیان گه‌مارۆ تێکبشکێنن و به‌ره‌و قه‌ندیل رێبکه‌ن. به‌ڵام له‌گه‌ڵ گه‌یشتنی "مه‌فره‌زه‌ی قه‌ڵه‌م" به‌ دوایین بازگه‌ی ژێر ده‌سه‌ڵاتی حکوومه‌تی هه‌رێم، له‌لایه‌ن ئاساییش و پۆلیسه‌وه‌، رێیان پێده‌گیرێ و دواتر، دوای ده‌ستگیرکردنی چه‌ند رۆژنامه‌نووسێک، زۆر دڕندانه‌ ده‌که‌ونه‌ لێدانی هه‌ردوو برای رۆژنامه‌نووس سۆران عومه‌ر و ڕه‌حمان غه‌ریب و، به‌په‌له‌ده‌گه‌یه‌نرێنه‌ نه‌خۆشخانه‌.